Гар утас дэлбэрч эзэмшигчээ алсан тохиолдлууд гарсаар байдаг аж. Гэтэл энэ талаар мэдээлээд шуугиан болоод байдаггүй нь гарсан хэрэгийн шалтгааныг нарийвчлан тогтоогоогүй эсвэл тогтоосон ч бизнесийн шалтгааны улмаас олон түмэнд мэдээллээд байдгүй учиртай аж.

Хятадын хэвлэл мэдээллүүд нь хяналтанд байдаг учираас бичигдсэн зүйлд нь ач холбогдол өгөөд байх нь нэг их сонин биш хэмээн зарим уншигчид үздэг гэнэ, гэвч Хятадын хэвлэлд гарсан энэ удаагийн мэдээ нь итгэхээс өөр аргагүй аж.

Хятадын Гуанжоу мужид нэгэн эрийн гар утас нь дэлбэрч дэлбэрэлтийн улмаас хүзүүнийх нь артерийн судас нь тасарсаны улмаас цус алдан нас баржээ. Уг гар утас нь дэлбэрэгч бодисоор цэнэглэгдсэн ч биш, хэн нэгний санаатай үйл ажиллагаа ч биш зүгээр л шинээр авсан орлуулагч зайгаа цэнэглэн утсандаа хийн хармайлсаны дараа дэлбэрэлт болсон аж. Жирийн гар утас дэлбэрсэн энэ тохиолдол нь 2002 оноос хойш Хятадад албан ёсоор нийтлэгдсэн 9 дэх тохиолдол бөгөөд мэдэгдээгүй олон тохиолдол байж болзошгүй аж.

Хэрэгийн дагуу явуулсан байцаалт, судалгаагаар гар утас дэлбэрсэн тохиолдол нь гуравдагч үйлдвэрлэгчийн бүтээгдэхүүн баталгаагүй зайг утсандаа хэрэглэснээс зориулалтын бус зай хэт халж урвал үүсгэн дэлбэрсэн аж. Үүнээс үүдэн Хятадын хэвлэлээр гар утас хэрэглэгчиддээ өгсөн зөвөлгөө нь зориулалтын бус, 3 дагч гарын зай болон цэнэглэгчийг хэрэглэхгүй байх, хэрэвээ утасны зай чинь эсвэл утас чинь хэт халсан тохиолдолд зайгаа утаснаасаа салгах хэрэгтэй гэжээ.

Мэдээж энэ сануулга зөвөлгөө нь Хятад, Монгол, Америк гэлтгүй гар утас хэрэглэдэг, ялангуяа мэдэх мэдэхгүй төрөл маркын дагалдах хэрэгсэл зай, цэнэглэгчид зарагддаг газар, хүн бүхэнд хэрэгтэй зөвөлгөө нь ойлгомжтой.